قصيدة المهراس
[ندعوك للتسجيل في المنتدى أو التعريف بنفسك لمعاينة هذه الصورة]
ياجاهل مهراسنا وعليه تسال *** اسمعني نوريك ونعطيك أوصاف
كي تعرف تشتيه وماتخطي محال*** ولي يسمع موش كيف لي شاف
وتولي تقطع عن جال لميال ***وتطلب من بعيد وتسعى قراف
ألي ضاق يعود يجري ليه قبال*** مايصبر ديم موجد مخطاف
حطب من كروش ساهل للنقال *** من جدرة حطابها حافظ أعراف
ورزامة للدق صاقلها صقال*** وقت الخلطة تزيد تدقدق ألياف
خرل من القاوجة كيل أرطال *** والطميش يكون مشوي أظلاف
وسنينات الثوم بنة للوكال ***وبلابيه يحس ويزيد زعاف
تطلعل لطاسبو منها واهبال*** دم مخثر بيه سبب ترشاف
وربيطة كزبر من عند الدلال*** تخلاطتها تزيد تأكد أهداف
خبز من الرقساس رق من اللمسال *** واقر عالطجين نحى تجلاف
امغتت رقيق للنقلة يسهال *** وحتى للمذقة يسهل تغراف
مايضيقـني في رقود مايثقال*** مايدير ضرورة ساعة تصراف
ساعة اللمة يبان لينا كي لهلال *** هذا يجري وذاك خاكم أرداف
هجم عن دقول هذا الناس قوال*** ولا عسكر جاو للساحة طافو
ولا وحوش مربطة قطعت لغلال ***اتهدو للصيد من فوق اكتاف
العبد اللي مالف ديم خمال*** حرارة تنحي عن تشظاف
ولي ماه ضايق ماه فلفال*** شاو الوهلة لازم يخاف
يسقيه منالزيت كي قدر الفنجال ***ولا دهان أزرق من مخض أخراف
يبردل ذيك السخانة عالقيال ***هذا الطعم جديد عمر ما شاف
ماعادش يطيق يصبرل محال*** وما عادش يعود ويرجع أخلاف
هذا دوانا يابني للي يعطال*** وهذا دوا للناس لمرض دافوا
هذا طعم الناس النبلا لفضال ***وذا مأكل بياتنا حتى يخرافوا
مولاة نلقاه ساهل للتنقال ***مايشد ماعين ياسر ينظافوا
مايتعب ساعة الحطة للرحاب*** امكانو معروف يسعي تجواف
ارزام للي يعافلر والقتال*** سلاح الرجلة بيه يخلع تلاف
رافقني انذوقك ذرك في الحال ***وقدامك يتحط وتعرف اكلاف
حين نشاف بهر وريوق سيال ***اتحضن وتلم واحكم مخطاف
هذا ه مهراسنا لي عليه تسال*** وهذي سفرة ناس زبنين أشراف
ناسي زفاطين من سابق لجيال*** أهل الجودة والشنا على الزفيط نافوا
يلزمني ندي ذواق لعيال*** ونوري للدار مكمول أوصاف
نشكرك ونزيد عالضيفة ولخصال*** وأهل البيت الجيدة لي ليهم رافوا
والشاعر شيبوب من جاب المقال *** أحمد المسعود مقري أحراف
والصلاة على النبي خاتم لرسال*** ألف صلاة عليه قد لي طافو
الشاعر : شيبوب حميدى المسعود 
موضوع: قصيدة المهراز 
