لمرقاز بالفلفل الحلو الجزائري

بسم الله الرحمن الرحيم

اولا : نهدر بالعامية متلا نشريو كيلو مرقاز يعني النقانق مايكفيش لو كانو عددهم ستة اشخاص وعليه نزيدو فيه حاجات وتصير بنينة واقتصادية و لديدة بزااااااااااااااااااااف

اسمها الشكشوكة بالنقانق
المقادير : 250 غ مرقاز = نقانق
500 غ فلفل اخضر حلو
2 حبات طماطم كبيرة
4 او 5 سنات توم
نص مغرفة فلفل احمر حلو
نص ملعقة طماطم مصبرة
نص ملعقة كروية وادا ماكانش او متحبيهاش لا باس عوضيها بالكصبر
نص مغيرفة فلفل اسود
و البيض حسب افراد العائلة متلا ادا كان عندك 6 اشخاص يعني 6 بيض وهكدا

التحضير : حطي المرقاز في المقلة مع مغرفة زيت وقليه قليلا فقط تم ارفعي المرقاز من المقلة وضعيه في صحن جانبا

من بعد حطي 4 سنات توم مرحيين في الزيت تاع المرقاز اقليه شوووية برك ومن بعد حطي فوق الزيت والتوم الطماطم مقشرة ومقصوصة رقيقة بزاف

حطي الملح و الفلفل الاسود ويترك الخليط على النار مدة 15 دقيقة وفي هاد المدة تحكمي الفلفل لحلو نتاعك تشلليه و تنقيه من الزريعة وتقصيه على شكل دوائر رقيقة

ومن بعد 15 دقيقة لوحي فلفل لحلو على الطماطم وفي نفس الوقت ناخد كوب ماء فيه الفلفل الاحمر الحلو مع نصف ملعقة طماطم مصبرة ونحطوه فوق الفلفل و في نفس الوقت ناخد النقانق وانحطهم فوق الفلفل وانتي ودوقك تحبي تقصي النقانق على اتنان او تخليها كيما هي

ويترك الكل على نار لمدة 15 دقيقة نرفع الغطاء من على الطنجرة ونضيف حبة توم مرحية وتترك الصلصة حتى يتبخر المرق

تحكمي البيضة تاعك وتكسريها فوق الخليط يعاد الغطاء للطنجرة حتى ينضج البيض حسب الدوق

ومبعد حطيها في صحن الله الله و زينيها من الفوق بالمعدنوس و الله لديدة جدا جدا جدا

بالصحة و العافية اليكم

ما شا الله موضوع جميل فعلا

وصفات سريعة وشهية بنفس الوقت

الف شكر لا تحرمنا من جديدك

بارك الله فيك اخي نورالدين