ஐ◄███▓▒░ كرسي الإعتراف{العدد01}ضيفنا /مختار عالمدار░▒▓███►

بسًُم الله الرَحمن الرٌحيمُ

×~ السـ‘ــلآم عليـ‘ـكمـ ورحمةُ الله وبركآتهـ ~×

مرحبا بأعضاء منتديات سيدي سعادة في صالتنا الكبيرة

يالله أطلبوا حاجة تشربوها لكن ماتكتروش من الحلويات وإلا فسوف نضطر لإستعمال هذه

شربتوا الشاي؟ أكلتوا الحلوى ؟ طيّب شفتوا في أقصى الصالة ولا لأ؟؟

أكيـــــــــــــــــــــد ماشفتوش <<<نايمين

طيّب شوفوا الآن واش كاين؟؟؟ أوكي نجاوب مكانكم

هناك كرســـــــــــــــــــي كبيـــــــــــــــر، مريـح كثيرا

طيّب شكون اللي راه جالس فيه؟؟

ماعرفتوش؟

أنا نقوللكم

إنّه الضحية

طيّب شكون هذا الضحية؟؟ أنا نقوللكم حاجة باينة

إنّه عضو وقع عليه الإختيار من طرف زملائه للجلوس على كرسي الإعتراف،

مهمتهم هي طرح الأسئلة ، ومهمته هو فقط الإعتراف

لكن هناك دايما شروط:

*العدد الأوّل تم إختيار عضو بالإجماع كضحية وبعد أسبوع من الجلد، تصبح بيديه مقاليد الحكم

فيختار ضحية جديد

* الضحية لما تنتهي عهدته على الكرسي يقوم بفتح عدد جديد ويضع إسم الضحية الجديد ورقم العدد.

* يقوم أيضا بنسخ محتوى الموضوع وكذلك الشروط

* الجلاّدين لازم يلتزموا بطرح أسئلة لا تحرّج الضحية حتى لا نعاود إستدعاء الـــ

* الضحية يجيب عن الأسئلة بالترتيب

* بإمكان الضحية العزوف عن الإجابة عن السؤال الذي يرى فيه حرجاً لكن شريطة أن ينبه إلى ذلك

* ينسخ الضحية أسئلة الجلاّد ويقوم بوضع الإجابة مباشرة تحت كل سؤال

أرجو أن لا نكون قد أطلنا عليكم

همّنا هو الإستمتاع رفقتكم ومحاولة جعل المتعة شيئاً نستفيد منه فنقرّب وجهات النظر ونمتّن أواسر الأخوة والمحبة

فرأينا صواب يحتمل الخطأ، لاغيـــر

سوف نختار العضو على كرسي الاعتراف

لي هو المختار

وانا لي سوف اطرح عليه اسئلة

كرسي الاعتراف ^_^

الســـــــــــــلام عليكم

شخبارك يا مختار

اللي يدخل هو منور الموضوع هههههههههه كرسي الاعتراف مجموعه اسئلة

يبت لكم موضوع اسمة كرسي الاعتراف

ـالاسئلة :-

من اعز ربعك في المنتدى؟

يوم تتضايق حيل وين ترووووووح ؟

متى آخر مره اتضاربت مع واحد و ليش ؟

منوه ودك تضارب وياه في المنتدى ؟؟

عضو توقيعه روعه..( )

عضو نشيط... ( )

عضو رزه... ( )

عضو مفقود... ( )

عضو تفرح بوجوده .. ( )

عضو تحسه واثق من نفسه ... ( )

عضو داخل مزاجك ... ( )

عضو يغيضك .. ( )

عضو تتمنى تلقتي به ... ( )

عضو مثقف... ( )

عضو تخاف يوم أتشوف اسمه موجود..( )

عضو ودك تغير اسمه ... ( )

عضو ودك تعرف معنى اسمه ... ( )

عضو تحس انه شيبه... ( )

عضو ودك تتضارب معاه ... ( )

عضــو تحس أن فيه خــمول (كسل ) ... ( )

عضــو يجذبـك بأسلوبه وطريقـة ردوده ... ( )

عضـو أحيانا ينرفزك بـ ردوده ...( )

عضو ودك تقول له صح لسانك .. ( )

عضو أتحس انه طموح ... ( )

عضو تحس انه لووووووتي...( )

عضو تحسه طفولي .. ( )

عضــو يناسبه لـقب المحبوب ... ( )

عضو تقوله (( ماينساك أبد قلبي )) ... ( )

عضو تقوله (( الله يسامحك )) ..

ههههههه الحاج صاي درتني فالكورسي ماتشاور ماوالو يا خويا

وزيد هاد القنطار تع الأسئلة شايجاوبلي عليهم؟

على العموم هاك غي في وجهك

ــــــــــــــــــــــــــــــــــــ

من اعز ربعك في المنتدى؟

(ربعك زعمة جماعتك؟ ههه كلّ الأعضاء أكيد)

يوم تتضايق حيل وين ترووووووح ؟

(نروح للسطــــــــاد)

متى آخر مره اتضاربت مع واحد و ليش ؟

(تضاربت مع واحد فالسطـــاد خطرة على جال البالون حاجة باينة خخخخ)

منوه ودك تضارب وياه في المنتدى ؟؟

(أنت الحاج ههه خاطرش راك تجيبلي الأسئلة تع الخليجيين)

عضو توقيعه روعه..( )

(والله التوقيعات لا تظهر بصح تعجبني لــؤلـــؤة الحياة دوما تتحفنا بأبيات شعر

أو حكم أسفل المشاركات)

عضو نشيط... ( الحاج تيساج )

عضو رزه... ( مافهمتش ههه)

عضو مفقود... ( أمممم copier coller)

عضو تفرح بوجوده .. ( كل الأعضاء النشيطين)

عضو تحسه واثق من نفسه ... (معمّر بخدّة )

عضو داخل مزاجك ... (لــؤلــؤة الحياة )

عضو يغيضك .. ( هههه يغيضني؟ مكانش)

عضو تتمنى تلقتي به ... ( كل الأعضاء الذين لم ألتقي بهم لحد الآن )

عضو مثقف... ( كوثــر)

عضو تخاف يوم أتشوف اسمه موجود..( هههه الغول مكانش أكيد)

عضو ودك تغير اسمه ... (mokht@r دجا فكرتني كنت باغي نبدله ههه )

عضو ودك تعرف معنى اسمه ... ( kentur هههه)

عضو تحس انه شيبه... ( مافهمتش للأسف الشديد ههه)

عضــو تحس أن فيه خــمول (كسل ) ... ( وليـــــــــــــــــــــــــــــد أكيد)

عضــو يجذبـك بأسلوبه وطريقـة ردوده ... ( كوثر و لؤلؤة الحياة )

عضـو أحيانا ينرفزك بـ ردوده ...( ههه ينرفزني الرد اللي نتأكد باللي مولاه ماقراش الموضوع)

عضو ودك تقول له صح لسانك .. ( الحاج تيساج)

عضو أتحس انه طموح ... (celtic )

عضو تحس انه لووووووتي...( وهادي لوتي شامعنتها؟ )

عضو تحسه طفولي .. ( الحمد لله مكانش)

عضــو يناسبه لـقب المحبوب ... ( الحاج تيساج قع الأعضاء يبغوه )

عضو تقوله (( ماينساك أبد قلبي )) ... ( yes_in)

عضو تقوله (( الله يسامحك )) .. ( الحاج تيساج لأنه غبني بالكورسي تاعه ههه)

ملاحظة: تجاهلت بعض الأعضاء الغير دؤوبين على المشاركة في المنتديات وذلك لجهلي

بشخصياتهم

زائر

1/:شكرا الحاج على الموضوع مع أن الفكرة والله كانت تدور في راسي بصح سبقتني مي

ماعليش كي أنا كي أنت

2/أهلا بيك مختار عمدار نورت الكرسي والله وشكرا ليك لاختياري كعضو مثقف مع أني لست

سوى وحدة مشقفة

3/عندي بعض الاضافات إذا سمحتولي واذا تسمحلي خويا الحاج لانه موضوعك:كيما قلت

نخيرو عضو يقعد في كرسي الاعتراف أسبوع ومين تكمل دالته هو لي يخير العضو الموالي+

ويرسله رسالة خاصة يبلغه فيها+الاسئلة خويا الحاج ماشي 30هههه هاو شتا يبقى باه

يسقسو لخرين

وزيد بزاف على الضحية المسكين ممكن الاسئلة تكون 5/6 لكل عضو وتفقوا عليها+الاسئلة

متنوعة وتشمل كامل المجالات

4/ جا وقت الاسئلة وجد روحك مختار عمدار ولازم تاخد التار:

* هل انت راض عن نفسك حاليا؟

**هل تشاهد المسلسلات التركية أمممممممممم ؟

*** تحقر خوك الصغير فالدار( رشيد على ما أعتقد)

**** صبرين فاش راهي تقرا ؟عندي مدة ما شفتهاش

*****أكثر قصيدة تحبها وشكون لي كتبها؟

****** أكثر كتاب تحبه؟

نتمنى يكون مروري خفيف ظريف

قعدة هنية خويا مختار بصحتك

هههههه

1- أخت كوثر نتيا علابالي باللي الفكرة كانت تدور في راسك ههه يدوروا في راسك بزاف صوالح

2- شكرا على الترحيب وعن إختياري لك كعضو مثقف مشي مشقف كيما قلتي نابع من

قناعتي بتواجد أفكار في راسك كيما الأفكار السالفة الذكر ^^

3- شكراً على الإضافات وشكراً على الرفق الذي أبديته بالضحية لووول

4- راني موجد روحي للأسئلة وفيما يخص التار غادي ناخده عن قرييب جداً ههه

ـــــــــــــــــــــــــــــــــــــــ

أحم

* هل انت راض عن نفسك حاليا؟

حالياُ أنا راضٍ بنسبة 80 بالمية باقي أمور عالقة تمثّل ماتبقى من النسبة كي نفريها تولي

ميّة ميّة

**هل تشاهد المسلسلات التركية أمممممممممم ؟

سؤال واعر هادا هههه كشفت روحي بالإسم الجديد

بصراحة نعم فالمسلسلات التركية نلمس فيها تقارب في العادات والتقاليد والمعتقدات بينا

وبين الأتراك ياك كانوا جوارينا غي هنا فالقلعة خخخ

*** تحقر خوك الصغير فالدار( رشيد على ما أعتقد)

يــا لطيــــــــــــــــــــــــف عليكي شو إنك جنية ههه منين إلك هالخبرية؟ ههه

والله والو مانحقرهش بالعكس معاه الهدرة قليلة مقادره ومقادرني الحمد لله كي يشوفني

يحط راسه المخلوق ههه

**** صبرين فاش راهي تقرا ؟عندي مدة ما شفتهاش

والله راكي خالعتني هههه صبرين وين تعرفيها؟ راني مصدوم

جهاز مخابرات؟ هههه

هاد العام عندها سنة تانية متوسّط ملاحظة: راه كاتلها رمضان مابقى فيها والو ههه

*****أكثر قصيدة تحبها وشكون لي كتبها؟

أممممممم كاين قصائد بزاف بصح أكتر وحدة .... ممكن "طوق الياسمين" لنزار قبّاني طبعاً

****** أكثر كتاب تحبه؟

بالنسبة للكتب مانطالعش بزاف صراحةً كنت وحد الوقت بصح دروك تعلمت التفنيين ههه

ممكن "الأرواح المتمردة" لجبـــران خليل جبــران و " البؤساء" لفيكتور هيغو

ملاحظة هامة جداً: الــ 30 سؤال تع الحاج ماغبنونيش كيما هاد القنابل اللي رسلتيهم عليا ههه

مشكورة أخت كوثر تحياتي

واش يا ختي كوثر

غي المختار قالك انا عضو مثقف مشي مشقف

اعطيتيه اسئلة حتى ولا العرق يسيل

بصح هاكا خير باه يعرف بلي انتي صوالح يدورو في راسك بزاف

وتقبلو مروري

رضا العكرمي كتب:: واش يا ختي كوثر

غي المختار قالك انا عضو مثقف مشي مشقف

اعطيتيه اسئلة حتى ولا العرق يسيل

بصح هاكا خير باه يعرف بلي انتي صوالح يدورو في راسك بزاف

وتقبلو مروري

تقبلنا مرورك بصدر رحب

بصح غي تفوت؟ هاكون قعدت شربت لاتاي Smile

ايوا الله يلاقينا في ساعة زينة انت والحاج ووليد

ونشربو فيها اتاي مع بعض ونتفكرو ليامات الزنين

كيما راهي مكتوبة في فايس بوك

الخياشة تع العمايرية

ان شاء الله خويا

أنت غي أمر رانا تحت التصرّف

بصح والله غي راكم تطيروا هاد اليامات هههه راكم خالعيني

السلام عليكم ورحمة من الله وبراكاته اما بعد
عجبوني بزاف الأسئلة الموجهة لسي المختار
بصح ينقص سؤال إدا سمحتمولي نزدم بيه........

سي الموخ ماهو سبب بقاءك وحيدبدون فتاة تقاسمك يومياتك ومشاعرك؟؟؟؟؟
ملاحطة=يمكن عدم الإجابة

موخا نتا ماتنسانيش وانا نقولك نتا هو خويا لي ماولداتهش خالتك

الكرسي المكـــــــــهرب اوووو فكرة مليــــحة

ان شاء الله الموضوع يلقى تجاوب من الاعضاء

المختار بزاف عليك سمانة وانت فالكورسي

يعسروا فيك بالاسئلة . غي صحاب الخليج بزاف عليك ههههه

ماعليش اليوم نعطوه لوحد الضيف

الانتر vيو تاع اليوم مع مع

اهبطو تشوفوووووو

الاخت كوثر

هع هع هع طحتي في يدى هههه

هادي القهوة ليك اشربيها بصحتك مور الفطور

[ندعوك للتسجيل في المنتدى أو التعريف بنفسك لمعاينة هذه الصورة]

آه ه ه نبداو على بركة الله

من هي كوثر ؟ الاسم الحقيقي الكامل وبصراحة ههههه

2 واش فطرتى البارح ؟

3 واش هي الحاجة لى تحبيها بزاف؟

4كم يبلغ طولك ؟

5و شحال توزنى ؟ هههه

6من هو العضو الذى يزعجكي و لا تحبين رؤيته فى المنتدى ، أهدرى بصراحة ما تخافى من

حتى واحد ؟

لحظة !!

دقيقة انحبسو الحديث جا الgرسون يدي الطلب

اوكي نكملو

7ما هي أحسن ذكرى لكى ؟

8ما هي اسوا ذكرى لكى ؟

9ماذا يدور فى عقلك الآن ؟

10علاش تدخلى للمنتدى ؟

واش استفدتى من منتدى س/سعادة؟

11الحاجة لى ما تعجبكش فى المنتدى؟

ارجاي ارجاي التليفون راهو يصوني !! نرد عليه و نرجع

12من هو اكثر عضو تحكي معاه و تتواصلى معاه ؟

13ما هي أمنيتك ؟

14ماذا تعنى لكى هذه الأسماء؟

أمك

أبوك

النت

امممم مرة أخرى قاطعنا الgرسون

ماهو الشيء الذى يؤلمك اكثر

الخيانة أم الغدر ؟ و عللى لماذا و اعربى ما تحته خط

كلمة اخيرة ؟

رايك بي و بدون مجاملة ؟؟

الوقت امشا بلخف..

وأوقات سعيدة مع فنجان قهوة

هذا ما كان كوثر و يعطيك الصحة نتمنى ما نكونش طولت عليك هههه

انتر vيو الجاي مع مولا الميضوع املا وجد روحك

ــــــــــــــــــــــــــــــ

اعذروني

لو سببت لكم وجعاً

لو غيرتُ لون يومكم... من الوردي الى الرمادي

فحياتي رمادية ما يكفي...
[u]

المختار خليتلك فرصة الانتقام ههههه

yes_in كتب:: موخا نتا ماتنسانيش وانا نقولك نتا هو خويا لي ماولداتهش خالتك

البروبلام راه تم، في خالتي اللي نبغيها بزاف وما كون راني حرمتها من شوفتك وجيفتك و قستك من الــدوزيام (12) إيتاج

على الســؤال لعوج اللي طرحته

هههه

الفطــــــــــور راه قريب لــــــؤلــــــــؤة

من بعد نهدروا على الإنتقام ههه

صحّ فطوركم

الحاج راك دير غير المواضيع الواعرين اعقل اعقل

زائر

واااااااااااااااااااش يا جماعة لي يدخل يضرب طلة ويخرج

وين راهم الاسئلة ولا راه غالبكم رمضان

راه قريب يكمل الاسبوع نتاع مختار اغتنموا الفرصة

وارسلوا القنابل النووية ههههههه

[ندعوك للتسجيل في المنتدى أو التعريف بنفسك لمعاينة هذه الصورة]
ـــــــــــــــــــــــــــــــــــــــــ
أختي لؤلؤة وعلاه واش تساليني ههههه.

أسئلتك على العين وراس بصح سناي شويا بيد ما يوصل المختار لاري نتاعه ويعطيني بلاصته

ونجاوب على أسئلتك هي الاولى

بصح القهوة شربتها ما نقارعش ههههههه
ـــــــــــــــــــــــــــــــــــ
بما أن بقية الاعضاء امتنعوا عن طرح الاسئلة مادبيا نزيد أنا نسأل في بلاصتهم :

*في كلمتين من هو المختار؟

في ثلاث كلمات ماذا يعني لك المنتدى؟

***في سطر ما رأيك في الفلسفة ههههه؟

****ماذا تعرف عن البيركامي؟

*****لماذا تكتب شعرا؟

انتهى الاستجواب -شكرا-
ــــــــــــــــــــــــــــــــ
Give and you will receive

It’s Nature’s order

قنابل نووية ياه ها صحا وليت أفغانستان أنا ههه

والله يا لــؤلــؤة هدرتك ماراهيش تمشي ههه ياااااه ياه

ــــــــــــــــــــــــــــــــ

بما أن بقية الاعضاء امتنعوا عن طرح الاسئلة مادبيا نزيد أنا نسأل في بلاصتهم :

الناطق الرسمي نتيا ههه

*في كلمتين من هو المختار؟

أخوكِ في الله

في ثلاث كلمات ماذا يعني لك المنتدى؟

صحــرائي التي تأسرني

***في سطر ما رأيك في الفلسفة ههههه؟

قصدك في كيلومتر من الورق مشي سطر ههه

الفلسفة هي ميكروسكوب يمكنك من خلاله أن ترى تفاصيل الـADN لديك

****ماذا تعرف عن البيركامي؟

على حسب علمي ويلا ماخانتنيش الذاكرة هو كاتب (وقيلا روائي و فيلسوف الله أعلم) فرنسي

وُلد (ولا عاش والله ماعقلت )في الجزائر قرأت له مقتطف من روايته (الطاعون) عن الحصار الذي طوّق مدينة وهران

بسبب هذا المرض (قصّة خيالية)

هذا كلّ ماأعرفه عنه ( صحا هاد السؤال علاه؟ علاه بالدات هادا ألبير كامي ههه)

*****لماذا تكتب شعرا؟

والله ماعلابالي ههه أوّلا خزعبلاتي تلك لا أسميها شعراً، فقط أسميها خواطر أو زلاّت أقلام

ثانيا لا أكتب بانتظام عندي فترات نكتب فيهم والمشكل العويص هي أنّي يجوني الكلمات مين نكون برّا ههه مانقدرش نكتبهم

حتى نجي للدار نبدى نتفكّر وبالتالي نحرّف الأفكار ونخرج على الموضوع ههه

الحاجة الوحيدة اللي نأكّد عليها هي أنّ اللي يقرى الشكيل تاعي ماغاديش يفهم المقصود غير أنا اللي راني فاهم شاكتبت

والحاجة اللي نكتبها أكيـــــد راني قاصد بيها قصّة صراتلي ولا صرات قدامي أحم

انتهى الاستجواب -شكرا-

الحمد لله كي كمل

لا شكــــــر على واجب نحن في الخدمة أخت كوثر

تنويه للأخت كوثر

قرب الموعد، موعد رحيلي عن الكرسي فتنقلب الأمور فيصبح الجلاّد ضحيةً والضحية جلاّداً ههه

لأنّني تنفيذاً لمخططي المسبق ونزولا عند رغبة لــؤلــؤة ستجلسين على ذاك الكرسي

وستصبحين أرضاً مستقطبةً للقنابل ههه فتأهّبي

والله يا لــؤلــؤة هدرتك ماراهيش تمشي ههه ياااااه ياه

راك تشوف راهي حقرتني.ولا لا راهي خايفة هذا مكان ههه

---------------------------------------------
ختي لؤلؤة وعلاه واش تساليني ههههه.

أسئلتك على العين وراس بصح سناي شويا بيد ما يوصل المختار لاري نتاعه ويعطيني بلاصته

ونجاوب على أسئلتك هي الاولى

ما نسالك والو ختي كوثر نعرفك شاطرة وتسلكيها الكورسي كاع ما يغبنكش هههه

واش من بلاصة غير انت ما بغيتش تفهمي روحك هههه

القهوة شربتيها والاسئلة فتها نورمال املا رديهالي

المهم نهار لي جي دالتك وجدي روحك مع القنابل النووية...

زائر

أيا خويا المختار واقيلا راه جا موعد الرحيل

ولا عجباتك القعدة ههههه

فمن هو يا ترى الضحية الجديدة ليبدأ عهد جديد من الاستجوابات

ونفتح جبهة حرب جديدة لنطلق العنان للقنابلوناذن لها بأن تنزل

ماديروش عليا نبغي نتفلسف برك ههههه مكان لا قنابل لا والو

الرحمة والرافة والاسئلة اللينة ههههه

للقفل

إنتهت فترة تواجد هذا العضو على الكرسي

» ஐ◄███▓▒░ كرسي الإعتراف{العدد /5}ضيفنا/قلب الأســCELTICـد ميمـاتي░▒▓███►ஐ
» ஐ◄███▓▒░ كرسي الإعتراف{العدد /9}ضيفنا المتالق المتميز نورالدين ░▒▓███►
» ஐ◄███▓▒░ كرسي الإعتراف{العدد /7}ضيفنا/ المدير العام للمنتدى وليد ░▒▓███►
» ஐ◄███▓▒░ كرسي الإعتراف{العدد /10}ضيفنا المهم للمنتدى وهو معمر بخدة ░▒▓███►
» ஐ◄███▓▒░ كرسي الإعتراف{العدد /3}ضيفنا/نائب المدير العام /الحاج تيساج ░▒▓███►