عنــــــــــــــــــــدمــــا أتذكـــــــــر

عندما أتذكر جدّتاي ...... "العيشتان" .... أتخيّل زمنا جميلا عاشاه

زمنا لم يكن الناس يحترفون الزرع والحصد فحسب .....

بل كانوا يحترفون الكلام

فبعد الشعر الملحون ..... والأمثال الشعبية...... كانوا ناس بكري يلهوا رواحهم

بالشكيــــــــــــــــل..... ولو أن شكيـــــــــــلهم حلو


إليكم بعض خزعبلات جدّاتنــــــــــــــا:

قالك اللي ياكله حاجبه ليسر ولا ظهره يضره راهم يمنشروا فيه

وليمن راهم يهدروا فيه بالخير

(أفرح أفرح ياللي عندك مشكلة في حاجبك ليمن)


ويقولوا اللي ياكل فالقدرة تطيح النو نهار عرسه خخخ مسكين

( اللي فيه هاد الطبيعة غي يبطل ... باش نعرسوا آلاز)

ويقولوا مين الفراش يطيح في داركم راهم جايينكم ضياف

( الله لا طيح الفراش من بلاصته قولوا آمين)

ويقولوا النســـا "السلام راه ياكل فيا"

(منعرت كي يدير ياكلهم السلام) يعني كاش ضيفة غادي تجي

ويقولوا اللي فيه زوج " توربيون " في شعره يتزوج بزوج نسا هههه

(التوربيون هي هاديك العاصفة اللي تجي فالشعر تع الشاشرة ههه)

يقولوا تاني اللي ياكل القلب تع الدجاج يجي خوّاااااااااااف

(من خاف سلم ..... وقيلا أنا كليته خخخخخخ)

ويقولك اللي ياكله نيفه راه غادي ياكل اللحم

واللي تاكله يده ليمنى غادي يدخل الدراهم والعكس اللي تاكله يده ليسرى

( ليسرى اللي تاكلني نقلعها ونقيسها للقطوطة هههه قالها معلم هاد المقولة)

يقول لك اللي تجيه الشهاقة خون حاجة

( اللي تجيه الشهاقة في وسط جماعة يتبهدل هههه)

ويقولوا البز اللي ينقز مالتاقة يخرج خاين ههههه

(هاد الوقت مكانش خيّان.... علاه؟؟؟ "التيق قع فيهم باروداج" )


الله يرحمك يا جداتي

ــــــــــــــــــــــ

الله يرحمهااااااا جداتك
وانت الله يعطيك الصحة
يا شاعر امنتدى


ورانا نستناو فى جديدك المتميز دائما


تقبل مرورى على صفحتك ارائعة

الله يرحم جداتك وجميع المسلمين والمسلمات الاحياء منهم والاموات

بارك الله فيك اخي المختار

ويقولك اللي ياكله نيفه راه غادي ياكل اللحم

واللي تاكله يده ليمنى غادي يدخل الدراهم والعكس اللي تاكله يده ليسرى
[ندعوك للتسجيل في المنتدى أو التعريف بنفسك لمعاينة هذه الصورة]