ضروك كي ندير تزوج تندم * طلڨ تندم * تڨعد هاكا تندم
جيت نسقسيك يادار ** مشي عيب عليك والعار
لي نجيبه في نهار ** تكمليه عشية
قاتلي في الوقت تكون كي ذيب ** واطلب واخون وجيب
راك حاسب خيانة عيب ** راهم ردوها حلالية
روحت للسميد ** قتله ولي للمفيد
100 الف وين با تزيد ** راك غليت عليا
قالي لوكان راكم تاكلو غير الطعام ** يشد لكم قريب عام
نسيتو كع فطيرة تع الزمان ** وراكم تديرو في الحلويا
روحت للسكر قتله ** انت لي راك متمنــكر
بكري كنا نشربو القهوة غير بالتمر ** وضروك راك غير في السكرية
قالي هدر مع ڨازوز ** والعسل وقلب اللوز
راني حسبت غير هاذو زوج ** ونسيت الزلابية
روحت للقهوة ** قلتلها انت غير الحبة بلا جوة
وغليت كثر من الدوا ** لوكان جيتي بيضة ونقية ها بنية
قاتلي هدر مع الخوصاصة ** لي ما طلڨو تا بلاصة
وما انا صاريلي كي العروصة ** وكع ناس تحوس عليا
روحت للزيت ** قتله مين قلت الخدمة غليت
وليت تدير CINQUANTE HUIT ** هاذي ماهيش عقلية
قالي انا لي كشفوني طرباندو ** لي ماراهمش يرقدو
راني 100 للبيدو ** وبركة ما تنارفي فيا
روحت للصابون ** قتله راك تنباع بلا قانون
تدير 12 مية ** علاه راك تنارفي فيا
قالي انتما بغيتو مشينة لافي ** كلشي نقي
حتى ينقطع الضو * * تجي تحوس عليا
روحت لأومو** قتله حرام ما تحشمو
خطرة يديروك في قابصة خطرة في الصاشية
روحت للراس حانوت ** قتله انت يديروك في الوعدة والموت
لاعيشة لاقوت ** وفيك العود كالمدرية
قالي انتما شرتو كيلو ** غير طلو وتلو
تقول كع ماراكمش تاكلو ** وبركة ما تنارفي فيا
وروحت للخمارة ** قلتلها سقسات عليك المرة
راهي غير هي والكسرة ** وصبحت كع ملوية
قاتلي انتما لي درتو لهم العز ** تبكرو تجيبو لهم الخبز
لوكان اعطيتهم 2 دبز ** ما يسقسو عليا
روحت للغاز قلتلها مشي جبناك ملانة ماقعديش سمانة
قاعدة فالدارمعانة ** معندكش النية
قاتلي انتما من السوفاج للكوشة ** ومن صباح حتى للعشا
صتوني بكوشة ** ديرو رايكم فيا
روحت للكنتور ** قتله يعطيني العمى لا راك مدمور
هانقص من الضو ** راهي عراتنا الليجية
يتبع في الحلقة القادمة ان شا الله
موضوع: المعيشة غلات وردت 
