ما باقي لا هنا ولا وين تجمع ** وما باقيش الناس برا يسكنو
ولا في الضيق لي كان موسع ** ومين شاف هاذ البزاوز ينذبحو
ولا محروق لي كان مرفح ** وخواته مساكين وين يصرحو
وهرب من بلاد وين كان يفلح ** وخايف من هاذو لي راهم يذبحو
والنو الصالحة لقاها سيد ڨدح ** والناس لي رقاب كامل جياحو
ولي خسر لنا بلاد والله ما يربح ** ولي قلنا ملاح راهم يقباحو
ومزال تهنا البلاد وتسڨم **وامة رسول الله كامل يرتاحو
نطلب يا ربي دير لنا تاويل ** سلكنا من الظلم كي رانا خاوة
واهدنا وسلك هاذ الجيل ** وحنا كع اولاد أدم وحوا
جزاير وردة ويبسها هاذ الجيل ** ومرارت والظلم راه قوى
قربت الساعة ورانا في الأخر ** نظمنا الرسول أدم و حوا
مرار الوقت اللي كان يامس طيب وزين ** وكتف حدا الكتف وحنا عزوة
شهاداء ماتو على وطن الزين ** حروها غير بالقوة
ما طڨناش لها هادو عشر سنين ** مول Villa راه ساكن في خلوة
نكرو بكايات يبكو بكي حنين ** يبكو علينا ما صرا بين الخاوة
لا سنة لا فرض رانا مغبونين ** وغضبنا الرسول والقلب انكوى
مازال دموعنا راهي غير تسيل ** ورواحو نصالحو حنا خاوة
والشاوية والعرب ومزابيين ** ما ننساش توارڨ وزواوة
يا هاذو امة زينة الدين ** صلاه النبي زينة مثل الحلوة
موضوع: يا ربي نطلبوك 
