عـــرمة تع نكت غادي تولوا تردحوا بالضحك .... علابالي علابالي

قالك مرة واحد ديما تسقسيه صاحبتو: واش تغديت? يقولها: لوبيا .ديما هكا واحد

النهار قالوا صاحبوا: اكذب شوي قولها تغديت شواء . كليت كفتة . تغديت بيتزا .....

ايا هذاك خدمتلوا قال و الله عندو الحق . الغدوى هذيك سقساتوا صاحبتوا: واش

تغديت ? قالها :بــيــتــزا قاللتلوا :واش مليحة (بنينة)? قالها : و الله كليت 2

مغارف شبعت

ـــــــــــــــــــــــــــــــــــــــــــــــــــــــــــــــــــــ

قالكم مرة كاين واحد الشايب مريض قريب يموت وهو على الفراش عيط لاولادو باه

ينصحهم وقالهم كل واحد يجيب معاه عصا صغيرة

ايا دارو عليه ولادوا وجابوا معاهم العصي عطا الشايب لواحد من ولادو 2 عصيات

وقالوا كسرهم ايا ولدوا حكم كسرهم زاد عطالو 3 زاد كسرهم وبقى يزيدلوا حتى

وصل ل 9 عصيات قالوا هاك كسرهم قالك حكمهم الطفل هذاك زاد كسرهم !!!شاف

فيهم باباهم وقالهم: روحوا يا ولادي مدام معاكم الجحش هذا ما نخافش عليكم

ــــــــــــــــــــــــــــــــــــــــــــــــــــ

قالكم كاين واحد عندو الغنم بزاف بزاف بصح ما يصليش واحد المره جاه الامام

تاع المنطقة نتاعو وقالوا انت لوكان تزيد تصلي الغنم نتاعك يوليو الضعف

مالا هذاك السيد داه الطمع و عاد يصلي باه يزيد العدد نتاع الغنم وكل مرة يصلي

يموتلوا

4ولا5والسيد صابر يقول ضرك يزيدو ضرك يزيدو حتى بقى ليه كبش واحد

فات عليه والكبش يقول بع بع بع بع بع بع بع ما حبش يسكت

دار عندو السيد وقالوا :بلع علي فمك تزيد تهدر نصلي عليك 2 ركعات نجيبك ميت


ــــــــــــــــــــــــــــــــــــــــــــــــــــــــــ

قالك مرة سائق الحافلة دار اغنية التيتانيك

ايا بداو الركاب يطيشوا رواحهم بانتلهم راح يغرق الbus

ــــــــــــــــــــــــــــــــــــــــــــــــــــــــ

قالك هاذي ناموسة دور على واحد في الصيف تقلق فيه ايا ضربها طاحت داخت

هزوها صحاباتها دخلوها للعناية المركزة جابت 3 ايام و هي في غيبوبة كي فاقت

لقات قرلو بالقرب منها شاف فيها القرلو و قالها : واش فليت؟ قاللتلوا:لا لا . شنقلة


ـــــــــــــــــــــــــــــــــــــــــــــــــــــــــ


قالك وحد الخطرة وحد السيد اشرى كبش العيد قبل عيد الاضحى بشهرين امالا كانت

العائلة كلها تدلل فيه وتلعب معاه حتى انه ياكل معهم و ينام معهم في المنزل و عشية

عيد الاضحى راح الكبش جبد روحو على العايلة و بدى يبكي جات العايلة سالتو

واشبيك تبكي قالهم " قعدنا بلا عيد الناس اكل شراو الكباش غير احنا "

ــــــــــــــــــــــــــــــــــــــــــــــــــــــــــــ

قائد الطائرة: آلو، برج المراقبة هل تسمعني؟

برج المراقبة: نعم كابتن، نسمعك بكل وضوح.

قائد الطائرة: كاين ثقب في خزان البزين وراه فرغ و نحن على إرتفاع 10 الاف

قدم، واش نديروا؟

سكت اللاسلكي لحظات.. ثم:

برج المراقبة: كابتن، هل تسمعني؟

قائد الطائرة: نعم، بكل وضوح.

برج المراقبة: اوك، قول ورايا " أشهد أن لا إله إلا الله، و أن محمدا عبده ورسوله

ــــــــــــــــــــــــــــــــــــــــــــــــــــ

هادو زوج خاوة واحد منهم دركي وواحد حفاف, قال الحفاف لأمه نوضيني بكري

غدوة.. جات أمه نوضتّو, غلط الحفاف لبس لباس الدرك تاع خوه وهو نعسان شاف

روحو في لمرايا وقال: هيه... قلتلها نوضيني نوضت خويا


ـــــــــــــــــــــــــــــــــــــــــــــــــــ

واحد دخل للملعب وهاز في يدو كابشة علاه؟.........حاب يحرك اللعب

ـــــــــــــــــــــــــــــــــــــــــــــــــــ

كان يشاتي في الانترنيت مع فتاة قالها كيفاه اسمك كتبتلو فاطمة و حطت قدامها وردة

يعني (فاطمة الزهراء) هو واش كتبلها le pere de vendredi

(اسمه بو جمعة)

ــــــــــــــــــــــــــــــــــــــــــــــــــ

قالك زوج دخلوا للمطعم واحد غني و الخر فقير الغني طلب اكلة باللحم والفقير طلب

صحن من الفول ايا الفقير بدا ياكل بسرعة شاف فيه الغني و قالوا قول بسم الله باش

ما يكلش معاك الشيطان دار عندوا الفقير وقالوا واش بيك الشيطان يخلي اللحم و يجي

ياكل الفول

ـــــــــــــــــــــــــــــــــــــــــــــــــــــــ

قالك زوج جيران واحد غني و الاخر فقير. الفقير عندوا المصباح السحري كل صباح

يمسحوا يخرج العفريت يقولوا شبيك لبيك اطلب كل شيئ بين يديك الفقير يقولوا

اعطيني كاس شاي شافوا الغني و حسدوا على المصباح السحري و بغى يديلوا

المصباح قالوا نعطيلك الفيلا و السيارة واعطيني المصباح الفقير قبل بالمقايضة . مسح

الغني المصباح وخرجلوا العفريت قالوا شبيك لبيك كل شيئ بين يديك قالوا بغيت فيلا

على شاطئ البحر قالوا العفريت اسمحلي خويا نسربي غير الشاي

ـــــــــــــــــــــــــــــــــــــــــــــــــــ

سكران واقف قدام داره سقساه شرطي

انت من اهل البيت ؟

رد عليه السكران

لا انا من كفار قريش