راحت النية وبقات غير الحيلة

مين نيتكم شيانت ** كل حاجة فيكم بانت

حتى البركة راهي راحت ** كثرنا ربي لأمراض

شعال كثرت المصايب ** وصغير تلقاه شايب

ماهوش ذا الوقت اللي يعجب ** كذبو الوليا وسدات

مانيش نعاير فيكم ** غير لي فيكم يكفيكم

عيا الامام يحدث فيكم ** ونسيتو كع الممات

راه قاوي مرض السكر ** ما لقاو طبيب لهاذ الظر

ولا يعايرو بالغتبة والمنكر ** شوف هاذ الغاشي كي ولات

جاتهم سكتة قلبية ** وخالفو على عهد العليا

و SCANAR بـ 700 ** وعراو كع المخلوقات

جاتهم مراض الشينة ** وكلاوي في المشينة

وعيشته تفوت غبينة ** غير شهرين يقولو مات

جاتهم كامل لاسطومة ** وڤابضة عشرة في الحومة

وطبيب غلا في سومة ** وكع فڤر المخلوقات

طورت ولات نصارة ** راها قابضتهم مرض المرارة

والحجر تڤلع شكارة ** حتى الكبدة فيها حبات

راها تموت لهم جيهة ** ياربي هاذ الناس اهديها

استرها لا تحافيها ** جبتلك بالجاه السدات

ياربي لا تحافيش ناس يا ربي

والحلوة تطلع عشرة ** قابضتهم راجل بمرة

تعوجه ما يعرف هدرة ** كلاو ماله الڤزانات

راه ڤاضبهم اللازم ** وما يبكر ما يخدم

قاعد فالدار يخمم ** ما ريح هاذ السيد ما مات

راه ڤاضبهم ڤع البرد ** ما يقدر يتمشى ولا يقعد

ما هوشي طالق واحد ** شوف وقت هنايا كي فات

وسبيطارات ملانة ** مايريح واقلب ريسانا

ودواغير جوتابل غلا عرانا ** وفشونا بالكاشيات

راه قابضهم عرق لاسان ** كل يروح للتلمسان

يدورله مناڤيش متان ** مايطيروش الا مات

راه قابضهم عرق لاسان ** كل يروح للتلمسان
يدورله مناڤيش متان ** مايطيروش الا مات
راك تطير يا الحاج خويا
[ندعوك للتسجيل في المنتدى أو التعريف بنفسك لمعاينة هذه الصورة]

والله يالشيخ الحاج الغليزاني

*****

دوق دوق ونخرجوا سيدي قاع شتاكين

هكذا با الشيخ الحاج البوقيراطي
النية راحت تشري والحيلة بقات تبكي

بارك الله فيك وجعله في ميزان حسناتك
لك مني فائق الاحترام

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

بارك الله فيك

يا أخي هل بمكن تحميل هده القصيدة ادا كانت موجودة

بارك الله فيك

وفيك بارك الله اخي صفوت

صديم اخي الا بغيت تسمع القصيدة ارواح عندي نعطيك السيدي تاعها