ياربي استر عقايب

ما باقي كلمة لا حية ضروك لا حشمة ** شوف يا خويا ما صرا في هادو لسنين

ما باقي كلمة لا حية ضروك لا حشمة ** سكتو العلماء خافو من المنافقين

يا علماء تكلمو على ذا الجيل لعمى **انتما زعماء ومسلميـــــــــــــــــــن

ما بقاش الحية وبدلو الحلوة بالمرة **جاتهم مليحة ويروحو لربي عريانيـــن

ياربي تلطف بينا من يعرف خوه** راه الراي تلف فسدوا وحد الناس الدين

ياربي انصر الحق ياربي

راني حاير على ذا الجيل الطاير ** ياكل فالناس ما بقات لدنيا لدين

راه مشا كلش ولا كلش برشوة ** ما لقيناش الدوا كلاونا وحنا حيين

القصيدة :

نطلبو ياربي نجينا ووصلنا الأبعاد الشينة

لسعارغلات علينا والسيمة اصبح في 70

المسكين حصل في راسه راه يلڤط لي قاسه

راه يلڤط لي قاسه غبنونا هادو لسنين

راه عايش في المزبلة شوف ما صرا في الرجالة

والدنيا هادي بدالة غرت وداوها سلاطين

يا ربي استر عقايب امين

واحد كاسب كع الوطـــــــــية وواحد ما يسعاش حية

كيف تبقى له الـــــــــــــــــــنية كلاوله عرقة مسكين

العيشة طارت وغلاتــــــــــــ شوف هاد الغاشي كي ولات

ما راهمش يعانوا في اللي مات راهم كامل مخصوصين

العيشة صبحت مـــــــرة والناس هربت من برا

راني نعاود كيفه صرا والحاج التيساج شفه المسكين

والفرينة صبحت 100 ألف والماء من الويدان انشف

وبنادن راه يتناسف وغرق في الخبز مسكين

كاين لي راه يخمم شا يدير وكاين لي راه يخمم كي يدير

هدا لي راه يخمم كي يدير غير الله يسلك

هدا لي راه يخمم شا يدير يحل وزين ولا يشري بابور ....الخ