هذا الوقت ألانا فيه والصلاح حكاو عليه
حتى حيه ما صدقت فيه ألحقنا لكلام الصوفية
صنتوا ليا يا حضار ونعيدلكم ذو لخبار
راهم يقروا في الكبار وقالو محو الأمية
قالولي ولدك خسر زعكوه اصبح يسكر
رافد خدمي فيه شبر وكي ندخل يخزر فيا
واخسر واداه لليسي يربح ويجي بوليسي
خير من يخون ويباصي ويخدم خدمه دونية
قالولي جيب ابيك يقرا في رحبة ولدك
من غد ثاني جيب امك نعلموهم العربية
أوما وابويي اكبار حارزيني أنا في الدار
مرتي اقعد وجهها يحمار وقاتلي اديهم عليا
نوضت اديتهم الليكول واضحيت معاهم مغبون
أوما دارت القردون وابويي داير شاشية
ربع شهر حفظوا لاليف راهم يقروا كيف كيف
يقروا في المشتا والصيف في ذي نحو الأمية
وابويي عنده تسعين واوما فايته ثمانيين
قالوا نقروا ربع سنين نروحوا للثانوية
موضوع: قصيدة مهدية لأعضاء 
